• پاکستان
  • صفحہ اول

وزیر خارجہ شاہ محمود قریشی کی اپنی کزن کی رسم قُل میں شرکت

صفحہ اول پاکستان وزیر خارجہ شاہ محمود قریشی کی اپنی کزن کی رسم قُل میں شرکت

وزیر خارجہ شاہ محمود قریشی کی اپنی کزن کی رسم قُل میں شرکت

- Advertisement -

وزیر خارجہ مخدوم شاہ محمود قریشی نے اپنے کزن اور سابق گورنر و وزیر اعلیٰ پنجاب نواب صادق حسین قریشی (مرحوم) کے صاحبزادے نواب ریاض حسین قریشی (مرحوم) کے ایصال ثواب کیلئے قل خوانی میں شرکت کی۔

وزیر خارجہ مخدوم شاہ محمود قریشی نے کہا ہے کہ وائٹ ہاﺅس ملتان کی اپنی ایک تاریخ ہے۔ اس گھر میں ملک بھر سے سائنسدانوں کو بلایا گیا اور پاکستان کو ایٹمی قوت بنانے کا فیصلہ کیا گیا ۔ اس گھر میں پاکستان کو محفوظ کرنے کا فیصلہ کیا گیا۔ اس گھر میں کئے گئے فیصلوں کی بدولت پاکستان ناقابل تسخیر قوت بن چکا ہے اور کوئی دنیاوی طاقت پاکستان کی طرف میلی آنکھ سے نہیں دیکھ سکتی ۔

- Advertisement -

ان خیالات کا اظہار انہوں نے اپنے کزن نواب ریاض حسین قریشی مرحوم کی قل خوانی کے موقع پر شرکاءسے خطاب کرتے ہوئے کیا۔ وزیر خارجہ مخدوم شاہ محمود قریشی نے کہا وائٹ ہاﺅس کے مکین رواداری ‘ وزاداری میں اپنی مثال آپ تھے یہاں کے بزرگوں نے ملتان کے لوگوںمیں محبتیں اور خوشیاں بانٹیں۔ اب اس گھر کی نوجوان نسل کو اپنے بزرگوں کی روایات کا امین بننا ہے۔ انہوں نے کہا کہ اس دنیا میں ہم سب لوگ مسافر ہیں اور سب نے ابدی سفر پر جانا ہے ۔ہمیں اس سفر کے لیے تیاری کرنا ہوگی۔ اس سفر کیلئے زاد راہ تیار کرنا ہوگا۔ انہوں کہا نواب ریاض حسین قریشی ایک شریف النفس اور وضعدار انسان تھے۔ مرحوم ہر ایک سے پیار کرنے والے اور خوش اخلاق انسان تھے۔ مرحوم کی کمی اور خلاءمدتوں پُر نہیں ہوگا

قبل ازیں وزیر خارجہ مخدوم شاہ محمود قریشی کے کزن اور سابق گورنر و وزیراعلیٰ پنجاب نواب صادق حسین قریشی مرحوم کے فرزند نواب ریاض حسین قریشی کی رسم قل خوانی گزشتہ روز ان کی رہائش گاہ وائٹ ہاﺅس ملتان میں ادا کی گئی۔ اس موقع پر مجلس عزاءسے ممتاز عالم دین علامہ ناصر سبطین ہاشمی نے خطاب کیا۔ قل خوانی میں زندگی کے مختلف شعبوں سے تعلق رکھنے والی شخصیات نے کثیر تعداد میں شرکت کی

۔ جن میں پی ٹی آئی کے مرکزی رہنما جہانگیر خان ترین ‘ علی خان ترین ‘ مخدوم مرید حسین قریشی‘ مخدومزادہ زین حسین قریشی‘ مخدوم جاوید ہاشمی ‘ملک عامر ڈوگر ‘سابق وفاقی وزیر سید تنویر الحسن گیلانی‘ سابق وزیر قانون زاہد حامد ‘اورنگزیب خان کھچی اور دیگر نے شرکت کی،

وزیر خارجہ مخدوم شاہ محمود قریشی نے قل خوانی کے بعد مرحوم ریاض حسین قریشی ‘ عاشق حسین قریشی مرحوم ‘ اپنی ہمشیرہ اور خاندان کے دیگر بزرگوں کے ایصال ثواب اور درجات کی بلندی کیلئے دعا کروائی۔ انہوں نے مرحوم ریاض حسین قریشی کے بڑے صاحبزادے حسن حسین قریشی کی دستار بندی کی اور غم کے اس لمحات میں شرکت کرنے پر اپنے خانوادہ کی جانب سے شرکاءکا شکریہ ادا کیا.

- Advertisement -
adminhttp://news2daypk.com
I'm a manager at News Today Pk and my primary responsibilities are making major corporate decisions and managing the overall operations and resources of the company. I’ve done Master in Mass Communication and now I’m performing my job as a News Anchor. I’m also hire on assistant director post at Motion Circle.

جواب چھوڑ دیں

براہ مہربانی اپنی رائے درج کریں
اپنا نام یہاں درج کریں

1,000فینزپسند
6فالورزفالور
1,000فالورزفالور
1,000سبسکرائبرزسبسکرائب کریں